काल - चिन्तन
 |
| ✍️ वसन्तराज अधिकारी |
अध्यात्म ज्ञान धर्माचरण मानव कर्तव्य कर्मको सार ।
अनाशक्त संसार भोग गर्नु सदैव सरि बनि बैराग्य ।।
सांसारिक नाता माया प्रपञ्च लोकाचार सदव्यवहार ।
नियाल्नु सदा स्वयंलाई स्वच्छ स्पष्ट दर्पणमा निहार ।।
लाग्दैन थ्यो फुर्सदिला निष्फिक्री आउनेछन् दिन्पनि ।
कर्म सन्यास योग सरि भयो व्यतीत यो जिन्दगानी ।।
बर्षौं बर्ष बितेछ यान्त्रिक बनि विवेक र शिक्षा सब ।
कालान्तरमा पिजडा छुटदा के भर्थ्यो उडान अब ।।
यौटा यान्त्रिक कालखण्ड भोग नाच्छन् आँखा भरि ।
कैले खुशी मनमा र कहिलेकाही विरक्ति लाग्दो घरी ।।
आत्मशक्ति प्रगाढ छन् ह्रदयमा सन्तुष्टि सत् जीवनी ।
अपरान्ह पश्चात् गगन विनय भाव छरेर शान्तिध्वनि ।।
जीवनमा के कति कर्म भए ति सब लुप्त हुँदारहेछन् ।
भुक्तानी अतीत नियतिले सञ्चित पुँजी भएछन् ।।
स्थित्प्रज्ञ आउँछ ह्रदयमा उज्ज्वल पुर्ण चन्द झै बनि ।
सृष्टि स्थिति लय अन्ततः जीवन बन्दैछ कादम्बिनी ।।
✍️ वसन्तराज अधिकारी
घोराही उपमहानगरपालिका, दाङ, नेपाल
बिहिवार ०७ भदौ २०८० शुभम् ।
Comments
Post a Comment