आमा
 |
| ❤️ आमाको साथमा हामी ❤️ |
प्रिय शब्द मधुर वाणि जगमा
आमा समान प्रेममा ।
को नै छन् र मातृ सम्बन्ध बिना
जन्मेको धरा धर्तीमा ।।
अशरिरी रुपमा देवता इश्वर पनि
काल्पनिक चित्रण गरि ।
साल नाल रक्तपिण्ड लिई शिशु
मातृत्वको गर्भ भरी ।।
बाबू पितृत्व वंश रहि अंशमा
आमा बसाउँछन् सृष्टि ।
मानवता धर्म सुकृति बनि रहोस्
सभ्य उन्नत दिव्य दृष्टि ।।
जब संकट आउँछ देव मानवमा
मातृत्व शक्ति जाग्दछिन् ।
तब दैत्य असुर अन्यायी प्रवृत्ति
टिक्न नसकी दुर भाग्दछन् ।।
मातृत्व आमा हुन् नारी स्वरुपमा
मातृत्व देखिन्छ गुण धर्ममा ।
पितृ मातृ शिक्षा दीक्षा व्यक्त हुन्छ
सन्तानको सद्गुण कर्ममा ।।
छोराछोरी बाटो बिराउँदा खेरी
आमाले नै देखाउँछीन् ।
बाबुआमा स्वयं बाटो बिराए भने
परमेश्वर अगुवाइ गर्छन् ।।
साक्षात् देवी स्वरुप हुन् आमा
निस्वार्थ सन्तति प्रेममा ।
आमा नै हुन् सारमा त्रिदेवी
सावित्री रमा उमा ।।
✍️ वसन्तराज अधिकारी
घोराही उपमहानगरपालिका, दाङ
मंगलबार १२ असार २०८० शुभम् ।
Comments
Post a Comment