आमाको सिर्जनात्मक त्रिभुज कविता
 |
| ✍️ साहित्यकार तथा मुखाखर कवि आमा श्री भावना अधिकारी साथमा जेष्ठ सुपुत्र म वसन्तराज अधिकारी |
१. आफ्नो मन आफै बुझाउनु पर्दछ ।
माया मोह गरेर धन जन महाँ आउँदैन ज्ञान्को मति ।
त्याग्नु पर्दछ माया र ममता जाँदैन केहि सति ।।
पाप र पुण्य मात्र हो सती जाने अरु झुठो ठान्दछु ।
बसमा पार्नु पर्दछ उदासी मन यो सत्य यहीँ मान्दछु ।।
आफ्नो मन आफै बुझाउनु पर्छ अरुले बुझाए झन पिर पर्छ ।।
२. छोराछोरीलाई उपदेश
हे ! छोराछोरी हो म भन्छु सबमा गर्नु सदा उन्नति ।
पाँचै औंला सरि मिलेर बस्नु झगडा नगर्नु रति ।।
झगडा गरेर केहि हुन्न सार बस्नु मिलेर सधैं बारम्बार ।
मनले सोंचेर धेरै काम गर्नु भोलि गरुँला भनी पछि नसर्नु ।।
जे गर्नु पर्नेछ आफ्नै मनले गर्नु अरुको भरमा कहिले नपर्नु ।
आफ्नै मनले गरेका काम मिल्छ अरुको भरमा परे धोका दिन्छ ।।
३. आमाको महिमा
आमा तिमी जन्मदिने मलाई ।
आमा तिमी प्रेम दिने मलाई ।।
आमा तिमी बोट म फुल तिम्रो ।
हो दाना तिम्रै जति जे छ मेरो ।।
हरदम बहाई कन प्रेम धारा ।
दिन्छेउ मलाई कतिको सहारा ।।
यति छ तिम्रो गुणको निमित्त ।
केहि कुरा छैन दिने मबाट ।।
खुशी र महिमा म सधैं दिनेछु ।
दु:ख र पिर म हटाई दिन्छु ।।
आमाको महिमा म लेख्दैछु ऎले ।
आमालाई सन्तोष लगाउने छु जहिले ।।
दु:ख र पिर दिने छैन कहिले ।।
रचना : आमा भावना अधिकारी
सम्पादन तथा लेखन : वसन्तराज अधिकारी
घोराही उपमहानगरपालिका १७ पनौंरा, दाङ, नेपाल
मिति : शुक्रबार, जेठ ५, २०८० शुभम् ।
Comments
Post a Comment