बिरालोको घाँटीमा घण्टी झुंडाउने को अघि सरि ?
 |
| 📝 वसन्तराज अधिकारी, घोराही, दाङ |
अति दम्भ गरि कुशासन
राणाको ढल्यो शासन ।
भित्र र बाह्य द्वन्द्वमा फँस्दा
अन्त भयो शाही - शासन ।।१।।
एकको एक काल हुन्छ
अन्तको घडी आउँदा ।
समय बितेपछि के गर्नु ?
अन्तमा पछुताउँदा ।।२।।
भ्रष्टाचार र कुशासनको
जरो व्याप्त छ राज्यमा ।
जो भन्छ म त हुँ स्वच्छ
झन त्यो भ्रष्टको दलदलमा ।। ३।।
जसको हातमा जे छ
त्यसैमा भ्रष्टता गरि ।
बन्न खोज्छ सधैं बाँच्ने
मै मात्र हुँ अजम्मरी ।।४।।
देखाउँछन् सबले राज्य
गैह्र राज्य झन मन्परी ।।
बिरालोको घाँटीमा घण्टी
लगाउने को अघि सरी ।।५।।
✍️ वसन्तराज अधिकारी
घोराही, दाङ ।
शनिबार, असोज २२, २०७९ शुभम् ।
Comments
Post a Comment