गर्छु म योग …………।
 |
| Me वसन्तराज अधिकारी |
गर्छु म योग
बन्छु निरोग ।
सदैव सात्विक
जीवन भोग ।।१।।
प्रात: काल उत्तम
योगाभ्यास जीवन ।
भौतिक शरीर नश्वर
ध्यानगरौं ईश्वर ।।२।।
अन्ततः एक्लै जन्मेर
चार दिन सुख भोगेर ।
जानू छ वायु वेगमा
कहिल्यै नफर्कने भेषमा ।।३।।
नाता हजारौं सांसारिक
लोकाचार माफिक ।
राखेर शुद्ध ह्रदय
बन्नु छ अध्यात्मिक ।।४।।
भौतिक जीवन जगतको
भोग सकिएपछि ।
उडेर जान्छ यो प्राण
बनाउनुछ सद्गती ।।५।।
बुझेर दर्शन जीवनको
गरौं नियन्त्रण मनको ।
लगाम लगाउँ योगमा
त्यागेर सुख भोगमा ।।६।।
✍️ वसन्तराज अधिकारी
घोराही, दाङ, नेपाल
शुक्रबार, असार २४, २०७९
Comments
Post a Comment