अन्ततः घर फर्के………
 |
| ✍️ वसन्तराज अधिकारी |
अठार बर्ष उमेरदेखि
घर छोडेर हिंडेको ।
चालिंसौं बर्ष
व्यतीत भएछ ।।
थाहै नपाई
उत्तम राष्ट्र सेवा ।
नेपाल सरकारको
सरकारी जागीरमा ।।१।।
घर अनिवार्य रैछ
झन बुढेसकालमा ।
राजधानीको झिलिमिली
लोभिएन मन ।
आफ्नैं थात थलो
फर्किएर आए ।।
आफ्नो माटोमा
व्यतीत हुन्छ अब ।।२।।
पच्चिसौं बर्षसम्म
राजधानी बसियो ।
दु:ख सुख भोगियो
डेरा जिन्दगी ।।
अब आफ्नो
अपनत्व गौरव ।
आफ्नैं घरमा
रमाएर बसिन्छ ।।३।।
सन्तोष खुशी
सीमित इच्छाशक्ति ।
अतृप्ति भोग
वासना मोह ।।
दु:खका कारण
नश्वर जीवन ।
कहाँ छ र ?
पुर्णतः जीवन ।।४।।
घर छोड तर
घर नबिर्स ।
मननीय वाणि
सत्य वचन ।।
सार्थक भएछ
गम्दै छु चिन्तन ।
खुशी आनन्दमा
अन्ततः घर फर्के ।।५।।
✍️ वसन्तराज अधिकारी
घोराही उपमहानगरपालिका १७ दाङ
मंगलबार ०९ कार्तिक २०७८ शुभम् ।
Comments
Post a Comment