प्रगतिशील गीत ❣️🌹🌻🙏📘
रक्सी तेरो अब गर्दिन संगत।
चिने मैले तेरो असली स्वरुप ।।२
 |
| 📘 वसन्तराज अधिकारी |
@ कीर्तिपुर, काठमाडौं
धेरै दिन भट्टी भित्र भयो चिनजान ।
अमृत झै मानि तँलाई लागे मैले खान ।।१।।
होस् हवास् उडाएर पारिस मलाई झल्ल ।
आँखा खुल्यो धेरैपछी चिने मैले बल्ल ।।२।।
रक्सी तेरो अब गर्दिन संगत।
चिने मैले तेरो असली स्वरुप ।।
बोत्तल भित्र बस्दा सम्म हुन्छस् पानी जस्तो ।
पेट भित्र पुगेपछि गर्छस् हल्ला कस्तो ।।३।।
सबै सँग खोंचे थापी खोज्छस् तैंले निहुँ ।
चिने मैले तँ त रैछस् झगडाको बीउ ।।४।।
रक्सी तेरो अब गर्दिन संगत।
चिने मैले तेरो असली स्वरुप ।।
सताउँछस् बाटा बिचमा धेरै खाँदा खेरी ।
वाक्क विक्क बनाउँछस् बिस्तारै फ़ेरि ।।५।।
शरीरमा उठाउँछस् रोग नाना थरी ।
तेरो संगत गरेछु म के को दशामा परि ।।६।।
रक्सी तेरो अब गर्दिन संगत।
चिने मैले तेरो असली स्वरुप ।।
तैंले गर्दा गैह्री खेत बन्दकमा गयो ।
तैरिन तिरिएन अझ बाँकी रह्यो ।।७।।
तेरो संगत गरेपछि फुँके धेरै धन ।
सम्झिल्याउँदा ठेगानमा रहदैंन मन ।।८।।
रक्सी तेरो अब गर्दिन संगत।
चिने मैले तेरो असली स्वरुप ।।
होस् हवास् गुमाएर घर आउँदा खेरी ।
डराएर पर पर भाग्छन् छोराछोरी ।।९।।
गहभरी आँसु झिकी दुई पाउ छुँदै ।
रक्सि खान छोडनुस् भन्छिन् श्रीमतीले रुँदै ।।१०।।
रक्सी तेरो अब गर्दिन संगत।
चिने मैले तेरो असली स्वरुप ।।२
📘 संकलन : वसन्तराज अधिकारी
दिपायल, २०५०
Comments
Post a Comment