सन्दर्भ असार पन्ध्र : म हुँ एक किसान
 |
| एल्बम फाईल तस्बिर 📘 भाइ बाबुराम अधिकारी साथमा दाइ जीतबहादुर विश्वकर्मा समेत आफ्नैं खेतमा |
अत्यन्त मेहनती, म हुँ एक किसान ।
सगरमाथा झै छ उच्च, मेरो स्वाभिमान ।।१।।
अन्न भण्डार दाङको, फाँट हरियाली ।
मेरै पसिनाले झुल्छ, लटरम्म बालीनाली ।।२।।
मलाई ठूलो दरबार, पनि चाहिँदैन ।
मिठा मसिना कुरामा, पनि लोभ छैन ।।३।।
जे मिल्छ सन्तोष, मेहनत गरेर खान्छु ।
असन्तोष पाल्न, म त व्यर्थ ठान्छु ।।४।।
सम्पत्तिको लोभ, मलाई रत्तिभर छैन ।
धनी हुनाले, किमार्थ सुख पाईदैन ।। ५।।
बिहान् चाडैं खेतबारीमा, हल गोरु नारि ।
जोति खनी खेती, गरि सबै तयारी ।। ६।।
लहलह झुली, धान फलाउँछु खेतमा ।
आनन्द खुशी आउँदछ, यो मनमा ।।७।।
भुल्दछु सारा दु:ख, पिर निराशा ।
कृषि नै हो हाम्रो, जीवन बाँच्ने आशा ।।८।।
सपना छ मेरो बनाउने, धर्ती हराभरा ।
यसैमा छ हाम्रो बाँच्ने, जीवन ~ गुजारा ।।९।।
स्याहारेर अन्न पुर्याउँदछु, सबै जहानलाई ।
यहिँ मै छ हर्दम गौरव, स्वाभिमान मलाई ।।१०।।
📒 वालककालमा आमा श्री भावना अधिकारीको मुखारविन्द वाट श्रुतिस्मृतिको आधारमा सुनि मुखाग्र भएको थप परिमार्जन सहित । साथै स्थानीय राष्ट्रियस्तरका पत्रपत्रिकामा प्रकाशित भएको ।
Comments
Post a Comment