२३१. मोबाईल महिमा

 मोबाईल महिमा

✍️ वसन्तराज अधिकारी
            घोराही उपमहानगरपालिका, दाङ 


स्वप्नावाट म व्युझदैं जब थिए, प्रभात लाली छरी ।
सिर्सिर चिसो पवनको, स्वप्निल मीठो स्पर्श गरी ।।१।।

खुले चक्षु द्वय स्मृति पनि भयो, दैनन्दिन जीवन ।
सेवकको रुपमा कर्तव्य पथमा, सम्पादित नित्यकर्म ।।२।।

चियापान संगै हटेर तन्द्रा स्वतस्फूर्त, जागृत भै ।
टिपोट लेख प्रशासनिक निर्णय, बित्छ दिनचर्या यहीँ ।।३।।

फेसबुक मैछ यहाँ अटुट मित्रता, कस्तो बस्यो पिरती ।२
साथीभाइ खवर र सूचना सब छन्, नियम र रीती ।।४।।२

मोबाईल मै छ बैंक हिसाब टेलीफोन, समय अर्लाम घडी ।
देशबिदेश सबतिरको खवरखावर, आउँछ निमेष भरी ।।५।।

रेडियो टेपरिकर्डर भिडियो टर्चलाईट, अनलाइन डायरी ।
युटुव इन्स्टेग्राम ट्विटर गीत गजल, संगीत र शायरी ।।६।। 

जन्मने यहीँ भेटिने र मरने सब यहीँ, कङ्ग्रेजुएसन रिप ।
अमेरिका युरोप खाडी मुलुक यहीँ, सब देशबिदेश ।।७।।

सेल्फी क्यामरा र थरीथरी, फोटोग्राफी तस्बिर भरी ।
चाडबाड आउनु पुर्व साथीभाइ, शुभकामना भरीभरी ।।८।।

हजार जिभ भएका शेष नागले पनि, बर्णन नसक्ने पूरा ।
च्याटमा वैरिन्छन् देश बिदेशका, मिठा मनोरम कुरा ।।९।।

अनलाइन दुनिया अचम्म रसिलो छ यो, स्वर्गैसरी लाग्दछ । 
यसको लत जब जाग्दछ भोक निन्द्रा, शोक भाग्दछ ।।१०।।

कुरा हुन छोडे पारस्परिक यहाँ अब, एकल भयो मानव ।
साथीत्व सद्भाव मित्रता सब, औपचारिक भयो अब ।।११।।

जत्ती फाईदा छ नि सूचना प्रविधिको, बिकृती बिसंगती ।
व्यविचार चरित्र हिन नग्न बन्दैछ, अन्तरंग जीन्दगी ।।१२।।

साईबर ल पनि छ नियन्त्रण गरे अब्बल, छ टेक्नोलोजी ।
सहि सदुपयोग गरि नरहे कहिल्यै, दुष्कर्म र बिकृती ।।१३।।

नुतन समयको यो बेजोड चाहना, पिडि र पुस्तान्तर । 
सारा सबको हात हातमा मोबाईल, यस्कै छ पुर्णभर ।।१४।।

अशिक्षित देखि विद्वान सब जन, यसकै प्रयोग गर्दछन् ।
दैनिक हजारौं एप्सहरुको बढदो, प्रयोग छ दिनदिन ।।१५।।

मोबाईल महिमा अपार अवर्णनिय संक्षेप सार जो कहे ।२
सूचना प्रविधि दुनियाँ, मोबाईलमै संसार अटनेभए ।।१६।।२

✍️ रचनाकार : बसन्तराज अधिकारी
रचना मिति : २५ भदौं २०७४
क्षेत्रीय निर्वाचन कार्यालय, बाँके, नेपालगन्ज 
@ राजापुर नगरपालिका कार्यालय, बर्दिया ।