कविता शिर्षक : छोरी तिमी सौभाग्य हौं मेरो जीन्दगीको यात्रामा……
 |
| छोरी श्री विपना अधिकारी ज्वाइँ श्री रोहित फुयालका घरपरिवार र हामीहरू समेत सामुहिक तस्विर @ तारकेश्वर नगरपालिका, काठमाडौंं (ओशो तपोवन नजिकै) |
[छोरी विपना अधिकारीको शुभ विवाह कन्यादान कार्यक्रम आज मिति २०७८-०३-०७ सोमवारको शुभ साइतमा सम्पन्न]
प्यारी छोरी तिमी हाम्रो घरमा जन्मभए पश्चात् ।
शिक्षा मन्त्रालय केशरमहलमा मेरो सरुवाको साथ ।।१।।
तिम्लाई प्रेमवत काखमा हुर्काउँदै साक्षर बनाउँदै ।
राजनीतिशास्त्र एम.ए. र बीएल कानुन सकाउँदै ।।२।।
तिम्रो स्कुले शिक्षा साथैं शाखा अधिकृत पास भए ।
सिकाउँथे तिम्लाई अन्तर्मन मेरो बुद्धि मान्दै रहे ।।३।।
तिक्ष्ण प्रतिभाको धनी मेरा अफिसर व्याट २१ साथी ।
पाँच पढदा ७३ नाम जान्दा चिन्छन् सबै साथी ।।४।।
नेशनल लाईब्रेरी र एकेडेमी जान्थेउ तिमी मेरो साथ ।
शिक्षा मन्त्रालय पाठ्यक्रमका पुस्तक तिम्रा हात ।।५।।
मुना बालपत्रीका र अरु कथाहरू तिम्लाई मन पर्ने ।
अध्ययनशिल बिद्यालयमा अब्बल तिम्रो बानी ।।६।।
मम्मी, दादा सिकाउँथे राम्रा गहकिलो ज्ञानका कुरा ।
पुर्णतासाथ ज्ञानगुण लिन्थेउ सदातिमी सुरापूरा ।।७।।
अध्ययनको अनौपचारिक साथी तिमी सानी छोरी ।
तिमीसँगको सामिप्यताले स्वयं परिमार्जन गरि ।।८।।
तिमीलाई नेपाल सरकारको अफिसर बनाउनु थियो ।
त्यो सदिच्छा अब ज्वाईसाबको काँधमा सुम्पियो ।।९।।
माइत जस्तो आत्मीयतामा रिझाउनु घरपरिवार लाई ।
यो बाबुको सपना पूरा गर्नु सधैं अध्ययनशिल भइ ।।१०।।
ह्रदय र नयन द्रविभुत भैरा छ धेरै अब म के भनुँ र ? ।
आफै गुन्नु जान्नु सदा असल र सक्षम नारीरत्न बन्नु ।।११।।
आलस्यता त्यागी अघि बढनुपर्छ जीवनमा केही गर्न ।
समर्थबान भए सकिन्छ जस्तो सुकै असहजता टार्न ।।१२।।
कानुनमा स्नातक सम्म पढाएका छौं शिक्षादीक्षा पुर्ण ।
पुर्ण आशा विश्वास छ सक्छेउ जीवनमा केही गर्न ।।१३।।
डोलिमा तिम्लाई अन्माएर आज हाम्ले पठाएतापनि ।
भावनात्मकरुपमा सधैं हामी छौं तिम्रै साथमा नि ।।१४।।
अन्त्यमा जसरी हाम्रो आँखाको नानी भएर बसिथ्यौं ।
आफ्नो घरलाई पनि सुन्दर बनाई सबको प्रिय हुनेछौं ।।१५।।
सौभाग्यशाली शताशय आयु सफल होस् दाम्पत्य जीवन ।
सदैव स्वस्थ्य खुशी देख्नपाउने इच्छा राख्दछ यो मन ।।१६।।
हामी आमा बाबू र दाजु आफन्तजन स्वजन साथीभाइ ।
उपस्थित सबमा हार्दिक नमन प्रतिनिधित्व जनाई ।।१७।।
📝 वसन्तराज अधिकारी
✍️ तारकेश्वर नगरपालिका (ओशो तपोवन नजिक) काठमाडौं, नेपाल [सोमबार ७ आषाढ २०७८ शुभम्]
Comments
Post a Comment