मेरी आमा ❤️❤️ तस्बिर : विश्वकै सर्वोच्च त्रिशुल पाण्डवेश्वर महादेव मन्दिर, धारापानी, दाङमा आमासँग हामी
"मेरी आमा" साहित्यकार तथा मुखाखर कवि राप्ती साहित्य परिषद् वाट सम्मानित नारी श्रष्टा पुज्यनिय आमा दाङ घोराही निवासी श्री भावना अधिकारीमा समर्पित आफ्नै रचना 📝
मेरो स्थुल शरिरमा हरबखत, सञ्चित रजको गरि ।
अमृत पान सरि दुग्धपानले, पोषित गरि तन भरी ।
दशमास गर्भमा समाहित लिई, जन्मायौं यश धर्तीमा ।२
यो ब्रह्माण्ड सृष्टिमा तिमी समान, क्वै छैन महान आमा२ ।।१।।
मातृवात्स्ल्य दया र करुणा, प्रेमामृत पिलाई दिनदिन ।
सन्तानकै वृद्धि सुखमा, तल्लीनता लिई क्षण क्षण ।।
बाबुको बिजमा परिपुर्ण रजले, मानव बनायौं जब ।२
पृथ्वी माताको आश्रय लिई, हुर्केर बढ्यौं अब ।।२ ।।२।।
लाखौं लाख स्नेह प्यार - ममता, मातृत्व सद्भावना ।
परमईश्वर र सर्वश्रेष्ठ तिमी नै, जन्मदायिनी आमा ।।
खोक्रो शब्दले मात्र कसरी म, बर्णन गर्न सक्छु र ?२ ।
साक्षात् जीवित देवी आमा, सृष्टि नै तिम्रो भर ।।२ ।।३।।
बाबुको जिम्मेवारी पनि हरतरहले, पूरा गरेकी थियौं ।
शिक्षा दीक्षा र परिपुर्ण ज्ञान-गुणले, सम्पन्न गरि दियौं ।।
अभाव अपुर्णता दु:खमा पनि, सदैव कर्तव्य पूरा गरि ।२
एउटी महान आमाको तपस्या, पूरा गर्यौं हर घडी ।।२।।४।।
राष्ट्रसेवकको महान गरिमा, जिम्मेवारी लिई काँधमा ।
हजुरकै दिशा -निर्देशले म पनि छु, निजामती सेवामा ।।
देश र जनसेवामा एउटा, बिना बर्दीको सिपाही जस्तैः भइ२ ।
पूरा गर्नेछु सदैव कर्तव्य, हजुरकै शिक्षा र दीक्षा लिई ।।२ ।।५।।
✍️ समाप्त 🙏
✍️ रचनाकार: बसन्तराज अधिकारी
दाङ घोराही हाल: घोराही, दाङ
✍️ मिति २०७७ बैशाख ११ गते बिहिवार मातृऔंसी "आमाको मुख हेर्ने दिन " लोकतन्त्र दिवस 📝 गुलरिया बर्दियावाट प्रकाशित हाम्रो भावना राष्ट्रिय दैनिकमा प्रकाशित भएको ।
Comments
Post a Comment