१९१. तिहार भाइटीका : कोरोना कहर

 तिहार भाइटीका : कोरोना कहर 

✍️ म वसन्तराज अधिकारी सँग भाईबहिनीहरु कान्छी बहिनी सीता शर्मा अर्याल अनुपस्थित तिहार भाईटीकाको अवसरमा, घोराही उपमहानगरपालिका, रझेना, दाङ 

तिहार सांस्कृतिक चाडपर्व हो 

हामी हिन्दु संस्कृतिको ।

जीवन्त संस्कृति, सभ्यता र 

श्रद्धा आस्था, प्रेम र बिश्वासको ।।१।।

युगौ युग पिता पुर्खादेखिको 

निरंतरता शाश्वत~सत्य ।

ऎतिहासिक, धर्म संस्कृति र सामाजिकता 

प्रेम सद्भाव र सांस्कृतिक एक्यवद्धता ।।२।।

सानो छँदा गाउँमा घर थियो, लाग्थ्यो ! ।

चाडपर्व मीठो खान र राम्रो लगाउन ।।

चलाएको चलन हो हाम्रा मातापिता र  पुर्खाले ।

परन्तु ! आज यो तथ्य आंशिक बुझ्दैछु

यसको अन्तर्भाव गहन भाव र मर्म ।।३।।

यमपञ्चक काग, कुकुर, गाई, गोरु र 

दिदी भाइ, दाजु बहिनी ।

अनन्त प्रेम पंन्छी जीव जनावर र 

मानवता बिचको घनिष्ठता ।।४।।

शिक्षित अशिक्षित, सम्पन्न बिपन्न ।

शहरिया गाउँले नजिक टाढाको भौगोलिकता ।।

प्रेम र आत्मियताले प्रगाढ बनाउँछ ।

तिहारले खुशी सुख शान्ति र समुन्नती ल्याउँछ ।।५।।

बिश्वब्यापी फैलिएको महामारी 

समस्त मानव जातीलाई त्रशित पारी ।

अकाल मृत्युका भय र दु:खद घडि

कोरोना कहर छ संसारैभरी ।।६।।

मानिसलाई मानिससँग डर छ 

यो रोग मानिसवाट मानिसमै सर्छ ।

सबैलाई बाँच्ने प्रबल रहर छ 

सर्वत्र कोरोनाकै भयावह कहर छ ।।७।।

तसर्थ, 

व्यक्तिगत सुरक्षा स्वास्थ्य मापदण्डअनुसार 

भौतिक र सामाजिक दुरी कायम राखि ।

माक्स लगाई बीस सेकेन्ड सम्म पटकपटक  

साबुनपानीले  मिचिमिची हात धुनु वा 

स्यानिटाईजर घस्नु सुरक्षीत बस्नु ।।८।।

भरिसक्य कहिँ कतै यात्रा नगर्नुहोस् 

गर्नै परे सुरक्षीत मापदण्ड पालन गर्नुहोस् ।

होशियारी सदा सुखी बेहोसी सदा दु:खी 

बिशेष ख्याल राखौं बालक, बृद्ध र दीर्घरोगी ।।९।।

हेलचेक्रयाई र लापरबाहीले हुन्छ पश्चाताप 

समय बितिसक्दा अर्थ छैन गरेर बिलाप ।

समयमै होस् पुर्याउनु लहड र अटेरी नगर्नु 

नत्र पर्ला हजुर आईसुलेसनमा बस्न र 

असमयमै कोरोनावाट अकालमै मर्नु ।।१०।।

✍️ रचना : बसन्तराज अधिकारी 

मिति : बिहिवार २२ कार्तिक २०७५ 🌹गोवर्धन पुजा 🌹पुनः परिमार्जित आइतबार ३० मंसिर २०७७ ❤️ गाइगोरु तिहार ❤️

स्वनिवास : घोराही, पनौरा, दाङ ।