मिति २०७७ बैशाख ३ गते बुधबार राजापुर, बर्दियावाट "बन्दाबन्दी तथा एकान्तवास" संग सम्बन्धित बसन्तराज अधिकारीको रचनामा श्रीमती एशोदा अधिकारीको गायन कविताको शिर्षक छ ---- "मानव जीवन छ उत्तम"
 |
| ✍️ वसन्तराज अधिकारी |
महातपमा बस्थे ति हाम्रा, पुर्वज ॠषि मुनि गण ।
सृष्टि सिर्जना गरे पुर्वजले, मानव जीवन छ उत्तम ।।१।।
ज्ञान बिज्ञान र कर्मले, भएका छौं हामी समुन्नत ।
एकै स्वरमा भन्न सक्छौ, मानव जीवन छ उत्तम ।।२।।
चौरासी लाख जुनिमा मानव, जीवन सौभाग्य छ ।
बुद्धिको बशमा चल्ने, मानव जीवन छ उत्तम ।। ३।।
अति बहिर्मुखि भयौं हामी, मानव बिकासको प्रवाहमा ।
ज्ञानी बन्छन् अन्तर्मुखि, मानव जीवन छ उत्तम ।।४।।
शिवको सृष्टिको सत्ता, बुद्धको शान्तिको रुप ।
ज्ञान र तपस्या भित्र, मानव जीवन छ उत्तम ।।५।।
हाम्रा पुर्वजले सिकाएका, ज्ञान छन् बिज्ञान सम्मत ।
पुनर्जागरण गरेउ भने, मानव जीवन छ उत्तम ।।६।।
कस्तुरीमा विणा हुन्छ, नचिनी दगुर्दै बन - बन ।
आफैलाई चिन्यौ भने, मानव जीवन छ उत्तम ।।७।।
अहंवाद संकीर्णता स्वार्थ, त्यागेउ भने सदा ।
सभ्य भव्य जीवन यापन, मानव जीवन छ उत्तम ।।८।।
भोगेका छौं यश सृष्टिमा, डरलाग्दा दु:खकथा ।
संयमता र धैर्य लिए, मानव जीवन छ उत्तम ।।९।।
धैर्य र तपले जित्छौं, महामारी कोभिड नाईन्टीन ।
एकान्तवासले परास्त गर्छौं, मानव जीवन छ उत्तम ।।१०।।
✍️ रचनाकार : बसन्तराज अधिकारी स्वर/गायन: एशोदा अधिकारी (पहिलो प्रयाश) मुहार पुस्तिका Live वाट प्रत्यक्ष प्रशारण गरिएको साथै ब्लग्स्पोटमा अभिलेखिकरण मिति २०७८\०१\०२ बिहीबार शुभम् । ✍️ हाम्रो भावना स्थानीय स्तरका राष्ट्रिय पत्रिकामार्फत बर्दियावाट प्रकाशित भएको ।
Comments
Post a Comment