१९४. बडा दशैं नवरात्र घटस्थापनाको तात्पर्य

 बडा दशैं नवरात्र घटस्थापनाको तात्पर्य

✍️ म वसन्तराज अधिकारी साथमा म्याडम एशोदा अधिकारी 

 
बडा दशैं पर्व
नवरात्र प्रारम्भ ।
जनजिब्रोमा छ 
घटस्थापना आरम्भ ।।१।।

बालककालमा दशैं 
नयाँ नयाँ लुगाफाटा ।
मीठो मसिनो परिकार 
खानपिन र ढोग भेट हुन्थ्यो ।।२।।

रमाइलो लाग्थ्यो जमघट 
बर्ष दिनको एकपटक ।
खुसीयाली उमंगको 
गरिमामय महान पर्व ।।३।।

समय क्रमसँगै युवा भैयो
अध्ययनका अनन्त शृङ्खला ।
धेरै मात्रामा बाधा अवरोध 
थोरै मात्र आनन्दको पर्व ।।४।।

युवावस्था पार गरि आज
प्रौंढावस्थामा आईपुग्दा ।
अलिकता ज्ञान चक्षु खुल्यो 
दशैं सबैलाई समान हैन रैच ।।५।।

हुनेखाने लाई मस्ती 
हुँदा खानेलाई सास्ती ।
परन्तु मनाउनु परेकै छ
बडा दशैं जवर्जस्ती ।।६।।

दशैंको पहिलो दिन 
घटस्थापना जमरा राख्ने ।
घर घरमा घडा र कलश 
स्थापना गरि दशैं घर ।।७।।

नवरात्र नौं दिन भर
शक्ति साधना गर्ने ।
भौतिक र अभौतिक 
अर्थात् अध्यात्मिक ।।८।।

कायिक वाचिक र मानसिक 
सामर्थ्य वृद्धि गर्न ।
अहिलेको समय कोभिड - १९
विरुद्ध प्रतिरोधात्मक क्षमता बढाउन ।।९।।

तर अफशोस !

तात्पर्य बुझ्दैन मानिस 
कुतर्क मै रमाउँछ ।
आफू महा विद्वान र
अरुलाई मूर्ख ठान्दछ ।।१०।।

शहरमा भिड छ 
बजारमा चहलपहल ।
सबै पण्डित छन् 
तर ज्ञान बिनाका ।।११।।

सरकार चिच्याई चिच्चाई 
जोडतोडले कराईरहेछ ।
मानिस गिज्याई रहेछ 
छाती फुकाई सडकमा कुदिरहेछ ।। १२।।

लाखौं मानिस संक्रमित छन् 
हजारौं मरिसकेछन् ।
विश्वभर भयावह नरसंहार 
महामारीको बेखवर ।।१३।।

निदाएकालाई जगाउन सजिलो 
तर निदाएको बहाना गर्नेलाई ।
कदापि सकिदैन बुझ्याउन ।
यसको ज्वलन्त प्रमाण यथेष्ट छ ।।१४।।

तसर्थ 

हे आदिशक्ति दुर्गाभवानी आमा 
सबैलाई देउ सुभावना धैर्य ।
सामर्थ्य देउ बुझ्ने नवरात्र र 
घटस्थापनाको वास्तविक तात्पर्य ।।१५।।

🙏 धन्यवाद 🙏

✍️ रचनाकार : बसन्तराज अधिकारी

स्थायी निवास : दाङ, घोराही