यो ठाउँ यस्तो .....
 |
| ✍️ वसन्तराज अधिकारी |
कल र कल माण्ड्वी जल, बगेको सुनिन्छ ।
स्वदेश छोडी बिदेश जाने, दाजुभाइ भेटिन्छ ।।
जाँड र रक्सी खानेको मात्र, महत्व दर्शिन्छ ।
गरिब देश बिपन्न जनता कसरी, सुध्रन्छ,यो देश… ?? ।।१।।
बिदेशी गुलाम भाडाको सिपाही, सपना भाग्य छ ।
रगत पसिना बिदेशी भुमिमा, खर्चिई सकेछ ।।
दु:ख र कष्टले कोरस गरि, भुक्तमान खाएर ।
शिक्षाको ज्योति फैलाउने इच्छा, प्रशंसनीय छ ।।२।।
प्युठान जिल्ला तिराममा पर्ने, सिमलचौर थक्लेनी ।
अशिक्षित गाउँमा शिक्षक बनि, सेवाको थालनी ।।
जे देखे भोगे यथार्थ भावना पोखे, राष्ट्रको ममता ।
आज छ याहाँ भोलि छ कहाँ ? यो राष्ट्रसेवक ?? ।।३।।
भालुवाङ~प्युठान मोटर बाटो, थक्लेनी देवीस्थान ।
लाहुरे बन्न जाने र आउने यहाँ, बाँस बस्दछन ।।
ठाडीओडार-मोतीपुर-थक्लेनी, गाउँ सिमलचउर ।
प्युठान तिराम गाउँमा पर्दछ मेरो, पुर्ख्यौली घर ।।४।।
सुसाउँदै बग्छिन माण्ड्वी नदी, गाउँको ईस्कुल ।
शिक्षाको ज्योति प्रज्वलित बाल्न, पढने रहर ।।
निस्वार्थ सेवा र कर्तव्य पथमा, इज्जत पाईन्छ ।
सेवाले भावी भाग्यको ढोका, खुलाउन सकिन्छ ।।५।।
✍️ रचनाकार : स्वयं बसन्तराज अधिकारी
रचना मिति : २०४५ कार्तिक - मंसिर
रचना स्थान : तत्कालीन तिराम गा.वि.स. वार्ड नं.४ स्थित नेपाल राष्ट्रिय प्राथमिक बिद्यालय, सिमलचौर, थक्लेनी प्युठान ।
स्रोत : जागीरे यात्रा सिर्जनात्मक सङ्गालो, २०७० बाट साभार ।
Comments
Post a Comment