प्रेम गीत
 |
| ✍️ वसन्तराज अधिकारी र एशोदा अधिकारी |
टाढा हुँदा तिमीसंग .....
टाढा हुँदा तिमीसंग,
मायाँ बढदो रैछ ।
एकान्तमा अझ बढी,
याद आउँदो रैछ ।।१।।
टाढा हुँदा तिमीसंग.....
ईष्ट-मित्र गाउँ-समाज,
घरवार टाढा ।
तर तिम्रो मायाँ किन,
भयो यति गाढा ।।२।।
टाढा हुँदा तिमी संग .....
बालक कालका साथी छुटे,
भुले ती दौंतरी ।
तर तिम्रो मीठो याद,
भुलेन क्यै गरि ।।३।।
टाढा हुँदा तिमी सँग .....
अन्तर्यामी भाको भए,
ह्रदयका भाषा ।
बुझिने थियोे होला,
मनभित्रको कथा ।।४।।
टाढा हुँदा तिमी सँग .....
कोही भन्छन जवानीको,
बाढी होयो माया ।
बुढेसकालमा सहाराको,
लाठी हो माया ।।५।।
टाढा हुँदा तिमी संग .....
मनका कुरा धेरै थिए,
खोल्न बाँकी रह्यो ।
आशै आशमा यो जिन्दगी,
पनिगै गयो ।।६।।
टाढा हुँदा तिमी संग.....
आत्मसन्तोष जिवनको,
अनमोल धन ।
एक्लै बस्दा अस्थिरता,
हुँदोरैछ मन ।।७।।
टाढा हुँदा तिमीसंग .....
रचनाकार : बसन्तराज अधिकारी
मिति : २०७३/०६/०९ रविवार
बाँके, नेपालगन्ज
हाल: राजापुर, बर्दिया ।
Comments
Post a Comment