रक्सि तेरो अव कदापि, गर्दिन संगत चिने मैले तेरो ऎले, असली स्वरुप ।।
 |
| ✍️ वसन्तराज अधिकारी & एशोदा अधिकारी |
रक्सि तेरो अव कदापि, गर्दिन संगत ।
चिने मैले तेरो ऎलेे, असलि स्वरूप ।। १।।
धेरै दिन भट्टी भित्र, भयो चिनाजान ।
अमृत झै मानि तँलाई, लागे मैले खान ।।२।।
होस हवास उडाएर, पारिस मलाई झल्ल ।
आखाँ खुल्यो धेरै पछि, चिने मैले बल्ल ।।३।।
बोत्तल भित्र बस्दा सम्म, हुन्छस् पानी जस्तो ।
पेट भित्र पुगे पछि गर्छस्, हल्ला कस्तो ।।४।।
सबै संग खोँचे थापी, खोज्छस् तैले निँहु ।
चिने मैले तँ त रैछस्, झगडाको बिउ ।।५।।
सताउँछस् बाटा विचमा, धेरै खाँदा खेरी ।
वाक्क विक्क बनाउछस्, विस्तारै फेरी ।।६।।
शरिरमा उठाउछस्, रोग नाना थरी ।
तेरो संगत गरेछु म, के को दशामा परी ।।७।।
तैँले गर्दा गैह्री खेत, बन्दकमा गयो ।
तैरिन तिरीयन अझै, बाकी रह्यो ।।७।।
तेरो संगत गरेपछि, फुकेँ धेरै धन ।
संम्झी ल्याउँदा ठेगानमा, रहँदैन मन ।।८।।
होस हवास गुमाएर घर, आउँदा खेरी ।
डराएर पर पर भाग्छन्, छोरा छोरी ।।९।।
गहभरी आँशु झिकि, दुई पाउ छुँदै ।
रक्सि खान छोडनोस्, भन्छिन् श्रीमतिले रूँदै ।।१०।।
रक्सि तेरो.......................
मैले........................... ।
✍️ संकलन तथा लेखन : बसन्तराज अधिकारी
रचना मिति : दिपायल, २०५० परिमार्जन मिति २०७७\०७\२८ शुक्रबार शुभम्
हाल : राजापुर, बर्दिया ।
Comments
Post a Comment