पुनः मन्त्रालय सिंहदरबारको यात्रा तय भयो ।
 |
| ✍️ वसन्तराज अधिकारी |
संघीय निजामती प्रशासन सेवा, उपसचिव पद ।
यश पदमा २०७२ सालमा पदोन्नति, पनि पाएँ जब ।।१।।
स्वेच्छिक रुपमा आफ्नै प्रदेश, थातथलोको खोजी ।
सम्भव भो निर्वाचन आयोगमा, पदस्थापना रोजी ।।२।।
क्षेत्रीय निर्वाचनको प्रमुख बाँके, व्यतीत सवा दुई बर्ष ।
ऎतिहासिक निर्वाचन सम्पन्न, भै खुशी र सगौरव ।।३।।
आयोगको क्षेत्रीय कार्यालय, विघटन पनि भयो जब
स्थानीय तह बबई गाउँपालिका, काजमा गैयो तब ।।४।।
संगठनात्मक पुनर्संरचना फ़ेरिदा, पुनः काज भयो ।
राजापुर नगरपालिका, राजापुर, बर्दिया तिर लागियो ।।५।।
गापा नपा स्थानीय तह भलीभाँति, रिती थिती बाँधी ।
पुनः राज्यकै खटनपटनमा, सिंहदरबार तिर साथी ।।६।।
एक अर्थमा सन्तोष पनि छु, राज्यकै हो एक सेवक ।
तर दु:ख छ आफ्नै ठाउँको सेवा गर्न, पाईन क्यै हक ।।७।।
राजनीतिक तुच्छता र छक्का पञ्जा, षडयन्त्र दाउँ ।
अब थोरै छ सेवावधि यो खेल म, किन चाल पाउँ ?।।८।।
गलत नजिर स्थापित भो राजनीति र प्रशासन भित्र ।
दु:ख चाहि यै कुरामा, कहिलेकाही लाग्छ हेर मित्र ।।९।।
राम्रो कामको प्रशंसा मुल्यांकन र पदीय मर्यादा ।
चाकरी षड्यन्त्रकारी फटाहाले, प्रशासन चलाउँदा ।।१०।।
शिक्षक र निजामती सेवा चारदशक, पुग्न लाग्यो ।
योग्यता सक्षमता ईमानदारी गरि दीर्घसेवी पाको ।।११।।
अब पुनः युवा खेलकुद मन्त्रालयमा, पदस्थापन भयो ।
स्थानीय तहवाट मुक्ति भै केन्द्र, मुल घरमै रोजियो ।।१२।।
✍️ धन्यवाद
वसन्तराज अधिकारी
उपसचिव, नेपाल सरकार
हाल : स्वनिवास घोराही उपमहानगरपालिका, दाङ । रचना मिति : शनिबार ८ फागुन २०७७ शुुुभम्
Comments
Post a Comment