१०७. मेरो देश नेपाल

 मेरो देश नेपाल

मेरो देश नेपाल 

सदैभरी जन्मभूमि नेपालकै, गीत गाई रहुँ ।
मातृत्वको अजस्र प्रेमधारा, सधै पाई रहुँ ।।१।।

प्राकृतिक मनोरम सुन्दरता, मेरो देश नेपाल 
तराई पहाड सगरमाथा, स्वर्णिम हिमाल ।।२।।

विश्वमान चित्रमा अंकित, सानो देश नेपाल ।
सर्वोच्च शिखर सगरमाथा, श्रीपेच हिमाल ।।३।

नेमुनी द्वारा संरक्षणमा, नाम रह्यो नेपाल ।
बिभाजन छ तराई पहाड र उच्च हिमाल ।।४।।

हो ज्ञान भुमि शिव धाम, बुद्धको जन्मस्थल ।
देवी र देउता रमाई बस्ने, सुन्दर क्रिडास्थल ।।५।।

गोपाल किराँत लिच्छवि मल्ल, शाहकाल उप्रान्त ।
लोकतान्त्रिक संघीय गणतन्त्र, सार्वभौम संयन्त्र ।।६।।

नेपाली जाती बिश्वमा चिनिने, वीरताको निशानी ।
मानव सभ्यताको उषाकालको, सुन्दर बिहानी ।।७।।

जन्मेर यहीँ धर्तीमा हुर्के र बढे माटोको ममता ।
विभेद धनी र गरिब नहुन् सबमा, होस् समता ।।८।।

जननी र जन्मभुमि स्वर्गभन्दा, हुन् गरिमामयी ।
हजुरकै चरण कमलको सेवा समर्पण, भाव लिई ।।९।।

पुनः२ यहि मेरै यहीँ नेपालमा, पाउँ म जन्मन । 
जननी र जन्मभूमि लाई गर्दै, हर्दम प्रणाम ।।१०।।

रचनाकार : ✍️ बसन्तराज अधिकारी
दाङ घोराही 
हाल : राजापुर, बर्दिया ।