दु:खदायी बुहार्तन भयो जागीर
 |
| ✍️ वसन्तराज अधिकारी |
✍️ वसन्त राज अधिकारी
नखाँदा सम्म अचम्म लोभ लाग्ने ।
अर्काले खाएको देख्दा सहज ठान्ने ।।१।।
समाजमा ठाँटबाँठ भई सोख मान्ने ।
नौवटा करकर सहि नोकरी धान्ने ।।२।।
दुःखदायी बुहार्तन भयो जागीर !!!
सदाचारको मूल ढोकामा ताल्चा मारेर ।
बनावटी इज्जत प्रतिष्ठा र आदर्शको खोल ओढेर ।।३।।
ज–जस्को शासन चल्छ उसकै गीत गाउँदै ।
पहिला जा त्यस पछि गीर रै छ जागीर ।।४।।
योग्यता क्षमता र काम काजले,
मूल्याङ्कन अपवादमै होला ।
चाकडि चाप्लुसी र जी हजुरीयाहरूले
रबाफ बढाउछन्, भाग्य बगाउछन् याहाँ ।।५।।
दुःखदायी बुहार्तन भयो जागीर !!!
राजनीतिक र जागीरको सीमाङ्कन
मेटियो अब छैन केहि फरक पन ।
फरक यत्ती छ जागीरलाई योग्यता चाहिने
राजनीतिकलाई जसरी पनि चुनाव जिते हुने ।।६।।
दु:खदायी बुहार्तन भयो जागीर !!!
सेवा सुबिधा तलव भत्ता आफै निर्णय गरि खाने
फ़ेरि कसरी होला माननीय हुने ?
कहिले हाँस्न मन लाउँछ कहिले रुने !
भो हजुर अपरम्पार छ लिला
बयानै गर्न नसकिने ।।७।।
दु:खदायी बुहार्तन भयो जागीर !!!
ऎन कानुन बिहिनतामा पनि
संघीय सेवा जेनतेन चलेकै छ ।
राजतन्त्र फालेर संविधानसभावाट
निर्मित नयाँ जनताको संविधान ।।८।।
संघीय लोकतान्त्रिक गणतन्त्रात्मक
अग्रगामी संघीय नयाँ नेपाल ।
मुल्यांकन गर्नुपर्छ अब यस्को आमजनतालाई
के फरक पायौं उन्मुक्ति को सास ।।९।।
दु:खदायी बुहार्तन भयो जागीर ।
आखिर ! परिवर्तन के भयो ? मुहार उहीँ छ
प्रवृत्ति कत्ति पनि फ़ेरिएको छैन ।
जनताका दु:खका पहाड उस्तै छन्
नेता जनप्रतिनिधिका दरबार ठडिएका छन् ।।१०।।
✍️ अपि सन्देश कर्मचारी मिलन केन्द्र, दार्चुलावाट प्रकाशित कविता, २०५२ को पुनः परिमार्जन २०७७
८. "जागीरे-यात्रा" सिर्जनाहरुको सङ्गालो, २०७० ।
✍️ बसन्तराज अधिकारी
राजापुर, बर्दिया ।
मार्मिक सिर्जना साहित्यिक कविता ❤️💕🌷😍🌷
ReplyDeleteमार्मिक सिर्जना साहित्यिक कविता ❤️💕🌷😍🌷
ReplyDelete