शनिबार महिमा : कविता
 |
| ✍️ बसन्तराज अधिकारी र एशोदा अधिकारी |
जागीरेको शनिवार रमाइलो दिन ।
छुट्टीहुने कार्यालय मित्र~मिलन ।।
समयको नयाँ गति यो पुरानो रिती ।
लचकता कार्यसमय, हुनुपर्ने थिती ।।
।।१।।
परम्परा अड्डाखाना, स्कुल कलेज ।
प्रशासन प्राध्यापन, उहि पुरानै रित ।।
परिवर्तित समय र बिकासको माँग ।
नेतृत्वगण, युवावर्ग, अव उठ जाग ।।
।।२।।
सयौं बर्ष सुतेका हो, उठने बेला भयो ।
एकत्रित भै आपसमा,जुटने बेला भयो ।।
सिंहदरबार हैन अब, स्थानीय सरकार हाम्रो ।
यहीँ गरौं बिकास निर्माण, सुन्दर देश राम्रो ।।
।।३।।
फुर्सदको समयलाई पुर्णत:, सदुपयोग गरौं ।
रचनात्मक सिर्जनात्मक, अभ्यासमा जुटौं ।।
शारीरिक मानसिक बौद्धिक र संवेगात्मक ।
स्वस्थ्यताका पहिचान हुन्, सदैव ख्याल राखौं ।।
।।४।।
चिन्तन मनन स्वाध्यायमा, नित्य निरन्तर ।
सकारात्मक भावनामा, दिन व्यतीत गर ।।
महामारी रोगलाई जित्न, सक्ने स्वसामर्थ्य ।
आत्मशक्ती "सिनर्जिकल" गरौं स्वयं साध्य ।।
।।५।।
✍️ रचनाकार : बसन्तराज अधिकारी
बाँके, नेपालगन्ज ।
रचना मिति : शनिबार ३१ भाद्र २०७४ पुनः परिमार्जन मिति शनिबार २१ कार्तिक २०७७ शुभम्
हाल : राजापुर, बर्दिया ।
Comments
Post a Comment