तिहार दीपावलीको हार्दिक शुभकामना !!!
 |
| ✍️ वसन्तराज अधिकारी साथमा बहिनी बालिकादेवी न्यौपाने |
शरद ॠतुको सुन्दरतामा, पर्दछ तिहार दीपावली ।
खुशी र उमंगको चाड यो, सवैतिर उज्यालो झिलिमिली ।।
भित्र्याउने अन्नवाली, किसानको खुशी हुन्छ बहाली ।
नधुलो नहिलो सफा प्रकृति, शारदीय शोभा भरी ।।१।।
बनपाखामा फुलेका, जाहीजुहीचमेली सयपत्री मखमली ।
प्रकृति मुस्कुराएकी छिन, शोभनीय धरतीको मुहारखुली ।।
खुशीमा छन जनहरु, नजाडो नगर्मी आनन्ददायी प्रकृति ।
महान चाड बडादशैं पश्चात् दोस्रो ठूलो चाड अगाडि ।।२।।
यमपञ्चकको पर्व यो, बिबिधताले परिपुर्ण भरिएको ।
काग देखि यमराजसम्म, श्रद्धा पुजनादी गरिएको ।।
काग_कुकुर_गाई_गोरू_लक्ष्मी यमराज यमुना दिदी भाइ ।
मीठो खाने राम्रो लाउने, गरि मेहनत साथ कमाई ।।३।।
द्यौसी भैलो सांस्कृतिक पर्व, परम्परागत रित पहिचान ।
चाड पर्वले मानवलाई दिने सभ्यता संस्कृति दिव्य ज्ञान ।।
तुच्छ देखि उच्च-सम्म, जीव जगतको पुजानादी सम्मान ।
सबैको महत्व छ जगमा, जीवजगत पशुपंन्छी समान।।४।।
अस्वस्थ्य प्रतिस्पर्धा, धनसम्पत्तिको रोब धाक रवाफ ।
आडम्बर परित्याग गरौं, बनाउ सुन्दर सभ्य समाज ।।
महान चाडको महान छ सन्देश, आत्मसात गरौं सवमिली ।
तबमात्र सुन्दर देश बन्छ, दीपावली झै झिलीमिली ।।५।।
धन्यवाद
✍️ रचनाकार : बसन्तराज अधिकारी
स्थान : स्वनिवास घोराही दाङ
रचना मिति : #गोबर्धन_पुजा_२०७३ पुनः परिमार्जन सहित ।
Comments
Post a Comment