३१. राष्ट्रसेवकको स्वाभिमान

 राष्ट्रसेवकको स्वाभिमान

📝 वसन्तराज अधिकारी
             घोराही उपमहानगरपालिका, दाङ 
      
मानिसको जिन्दगानी, कर्कलाको पानी ।
बाल बित्यो बित्यो पनि, बैँस र जवानी ।।१।।

उमेरले परिपक्व भै, अनुभव सङ्गालेर ।
राष्ट्रसेवा गर्नुपर्छ, राष्ट्र नै घर ठानेर ।।२।।

भ्रष्टाचार अनैतिक छद्म, कुकृत्य गरेर ।
आखिर के लानु छ र, एकदिन मरेर ।।३।।

नीति बनाई थीति बाँधी, पध्दति बसाई ।
असल राम्रो कर्म गरि, संसार हँसाई ।।४।।

पुण्य कर्म मानव धर्म, भन्दा ठूलो के छ? ।
स्वर्ग नर्क पाप पुण्य, सव थोक यहिँ छ ।।५।।

जस्तो रोप्यो त्यस्तै फल्छ, कोदो रोपि धान ।
कहाँ पो फलेको छ हजुर, यहीँ सत्य ज्ञान ।।६।।

सुखमा भन्दा दु:खमा हुन्छ, आफ्नो पहिचान ।
इज्जत हुन्छ बस्न सके, निजत्व स्वाभिमान ।। ७।।

✍️ बसन्तराज अधिकारी
घर::दाङ घोराही 
हाल: राजापुर, बर्दिया ।