गुरु स्तोत्रम् - Guru Stotram
 |
| श्रीगणेशाय नम: |
अखण्डमण्डलाकारं व्याप्तं येन चराचरम् ।
तत्पदं दर्शितं येन तस्मै श्रीगुरवे नम: ।।१।।
अज्ञानातिमिरान्धस्य ज्ञानाञ्जनशलाकया ।
चक्षुरुन्मिलितं येन तस्मै श्री गुरवे नम: ।।२।।
गुरुर्ब्रह्मा गुरुर्विष्णु: गुरुर्देवो महेश्वर :
गुरुरेव परं ब्रह्म तस्मै श्री गुरवे नम: ।।३।।
स्थावरं जङ्गमं व्याप्तं यत्किञ्चित्सचराचरम् ।
तत्पदं दर्शितं येन तस्मै श्री गुरवे नम: ।।४।।
चिन्मयं व्यापी यत्सर्वं त्रैलोक्यं सचराचरम् ।
तत्पदं दर्शितं येन तस्मै श्री गुरवे नम: ।।५।।
सर्वश्रुति शिरोरत्न विराजित पदाम्बुज: ।
वेदान्ताम्बुजसुर्यो यस्तस्मै श्री गुरवे नम: ।।६।।
चैतन्य शाश्वत: शान्तो व्योमातीतो निरञ्जन: ।
बिन्दुनादकलातीतस्तस्मै श्री गुरवे नम: ।।७।।
ज्ञानशक्ति समारुढ: तत्वमालाविभुषित: ।
भुक्तिमुक्तिप्रदाता च तस्मै श्री गुरवे नम: ।।८।।
अनेकजन्मसम्प्राप्तकर्मबन्धविधाहिने ।
आत्मज्ञान प्रदानेन तस्मै श्री गुरवे नम: ।।९।।
शोषणं भवसिन्धोश्च ज्ञापनं सारसम्पद: ।
गुरो: पादोदकं सम्यक तस्मै श्री गुरवे नम: ।।१०।।
नगुरोरधिकं तत्त्वं नगुरोरधिकं तप: ।
तत्वज्ञानात् परं नास्ति तस्मै श्रीगुरवे नम: ।।११।।
मन्नाथ: श्रीजगन्नाथ: मद्गुरु: श्री जगत्गुरु: ।
मदात्मासर्वभुतात्मा तस्मै श्री गुरवे नम: ।।१२।।
गुरुरादिरनादिश्च गुरु: परमदैवतम् ।
गुरो: परतरं नास्ति तस्मै श्री गुरवे नम: ।।१३।।
ब्रह्मानन्दं परमसुखदं केवलं ज्ञानमुर्ति
द्वन्द्वातीतं गगनसदृशं तत्वमस्यादिलक्षम् ।
एकं नित्यं विमलमचलं सर्वधीसाक्षिभुतम्
भावातीतं त्रिगुणरहितं सद्गुरुं तं नमामी ।।१४।।
त्वमेव माता च पिता त्वमेव
त्वमेव बन्धुश्च सखा त्वमेव ।
त्वमेव विद्या द्रविणं त्वमेव
त्वमेव सर्वं मम देवदेव ।।१५।।
~~~~~इति~~~~ 📝 स्रोत सामग्री : स्रोत्र रत्नावली
Comments
Post a Comment